Þetta var einmitt það sem ég þurfti.

Fínt að hækka verð á áfengi því það er lúxusvara.  Aftur á móti finnst mér það ekki gott að hækka bensínverðið, ég bý í sveit og keyri mikið til og frá vinnu, get ekki einu sinni sparað mér ferðir. Takk Jóhanna fyrir að gera mér erfitt fyrir.

Álögur á eldsneyti og áfengi hækka

Athugasemdir

[Ásgrímur Hartmannsson, 29.5.2009 kl. 13:02]

Með neyzlustýringu, en á móti neyzlustýringu...

Ekki eins og mann grunaði ekki að svona myndi gerast.  Næst hækka þeir öruglega matvælin.  Bara til að skemmta okkur öllum aðeins.

[Þórður Magnússon (IP-tala skráð) 29.5.2009 kl. 13:51]

Það þýðir ekki að horfa á allt út frá sínum persónulega hagsmunum.  Fyrir þér er áfengi lúxusvara og bensín mikilvægt.  Ég ætla mér að snúa mér að hjólinu eins mikið og ég get en mér finnst miður að geta ekki fengið mér rauðvínsglas með matnum endrum og eins, ég hefði miklu frekar viljað sjá hækkun á bíóskatti og hærri álagningu á popp vegna þess að ég fer aldrei í bíó, eins hefði ég viljað sjá auknar álögur á stöð 2 vegna þess að ég er ekki með stöð 2.

 Þú sérð að svona hugsunarháttur gengur ekki.  Fólkið í landinu verður að sjá að við erum öll í sömu súpunni.  Aðhaldsaðgerðir verða hins vegar að koma jafnt niður á alla.   Vandamálið við þessa hækkun núna er fyrst og fremst áhrif þess á skuldabyrði landsmanna.  Þarna er verið að leggja margfaldar álögur á einn þjóðfélagshóp umfram aðra.