vistheimili

Ef ég man rett þá var ekki talað vel um þetta vistheimili, þegar ég bjó fyrir norðan. Sagt var að vafasamir einstaklingar ynnu þar,ég vona svo sannarlega að það sé ekki svoleiðis lengur.

Stöðvuðu för 14 og 15 ára pilta

Athugasemdir

[Móðir annars drengjanna (IP-tala skráð) 19.10.2010 kl. 04:14]

Datt inn á þessa færslu fyrir rælni.  Þessi ummæli þín eru mjög ábyrgðarlaus, hvenær bjóst þú fyrir norðan?  Og veistu hvaða heimili þetta er? 

Okkur foreldrum annars þeirra líður mun betur að vita af barninu okkar þarna heldur en útúrdópuðu í borginni þar sem hann stundaði innbrot og varð sér út um fíkniefni með ýmsum aðferðum.  Þetta heimili fær góð meðmæli og er það eina sem hentar fyrir stráka af þessum "caliber", búið að reyna gjörsamlega allt í bókinni til að stöðva þeirra áhættuhegðun. 

Það hefur margt breyst og í dag er öflugt eftirlit með þessum stofnunum, það er aldrei auðvelt að senda barnið sitt á slíkan stað einmitt vegna svona ummæla, en stundum er bara hreinlega ekkert annað í boði.  Hef fulla trú á að gott starfsfólk sé þarna í dag, miðað við okkar kynni af þeim, en starfið sem er unnið þarna er langt frá því að vera auðvelt.

[Sigurbjörg Kristmundsdóttir, 20.10.2010 kl. 08:23]

Ég bjó fyrir norðan fyrir nokkrum árum í nokkur ár, þekkti einstaklinga sem bjuggu í nágrenni við vistheimilið. Aftur á móti man ég ekki hvað vistheimilið hét akkurat en gerði ekki ráð fyrir að þau væru mörg í nágrenni við Sauðárkrók.

Mér þykir mjög leiðinlegt ef þessi færsla fer illa í þig, síst af öllu vil ég auka á vanlíðan þína eða annarra foreldra í sömu sporum. Ég veit að það er alltaf verið að herða eftirlit með svona heimilum og það er engin ástæða til annars en að þetta tiltekna heimili sé líka undir slíku eftirliti.

Ég er mikið búin að hugsa um hvað ég eigi að segja meira hér, en þar sem ég er að senda svar á móðir annars drengsins þá treysti ég mér ekki til að halda áfram. Ég geri mér enga grein fyrir því hversu erfitt þetta er og vona heitt og innilega að ég komist aldrei í þá stöðu.